BMT-nin baş katibi Antonio Quterreş taxıl sazişinin mümkün uzadılmasını müzakirə etmək üçün Kiyevə səfər edib.
“Baş katib Antonio Quterreş Kiyevdədir. O, Qara Dəniz Taxıl Təşəbbüsünün genişləndirilməsinin bütün aspektlərini və digər aktual məsələləri müzakirə etmək üçün Kiyevdə Vladimir Zelenski ilə görüşəcək”, – Quterreşin nümayəndəsi bildirib.
Ukraynadan ərzaq ixracı ilə bağlı müqavilələr ötən il iyulun 22-də İstanbulda 120 gün müddətinə imzalanıb. Sazişlərdən biri Kiyevin nəzarətində olan Odessa, Çernomorsk və Yujnı limanlarından taxıl ixracı prosedurunu tənzimləyir. İstanbulda Rusiya, Türkiyə, Ukrayna və BMT tərəfindən yaradılan Birgə Koordinasiya Mərkəzi silah qaçaqmalçılığının və təxribatların qarşısını almaq üçün taxıl daşıyan gəmiləri yoxlamaq üçün nəzərdə tutulub.
Bundan əlavə, Rusiya Federasiyası ilə BMT arasında Rusiya kənd təsərrüfatı məhsullarının və gübrələrinin dünya bazarlarına ixracına qoyulan müxtəlif məhdudiyyətlərin aradan qaldırılması üzrə dünya təşkilatının öhdəliklərini özündə əks etdirən memorandum imzalanıb. Noyabrda taxıl müqaviləsinin müddəti daha 120 gün uzadılıb və martın 18-də başa çatır.
Murad Həsənov / aktualtv.az
