Ötən yay Rusiya tədarükünü kəsdiyi üçün Avropada qaz və elektrik ödənişləri 300% artıb.
Aktualtv.az xəbər verir ki, bunu Avropa Komissiyasının (AK) prezidenti Ursula fon der Leyen deyib. “Rusiya 8 ayda Avropaya qaz tədarükünü 80 faiz azaldıb. Bu səbəbdən keçən yay Avropada enerji qiymətləri kəskin şəkildə qalxıb və bizim elektrik və qaz ödənişlərimiz 300 faiz artıb”- deyə o, Kanada parlamentindəki çıxışında bildirib.
Avropa Komissiyasının rəhbəri həmçinin iddia edib ki, Rusiya qaz təchizatı ilə bağlı addımları ilə Avropanı şantaj edir. Lakin onun sözlərinə görə, Aİ rəhbərliyi Rusiya qazını etibarlı təchizatçılardan daha çox idxalla əvəz edə bildi və Kanada mayeləşdirilmiş təbii qaz ixracını artırmaqla bunda əsas rol oynadı.
Bundan əlavə, fon der Leyenin sözlərinə görə, avropalılar “enerji istehlakını 20% azalda biliblər”.
Büllur Məmmədova / aktualtv.az
