Ukrayna prezidenti Vladimir Zelenski ABŞ lideri Co Baydenin ukraynalı pilotları Amerika F-16 qırıcılarını idarə etməyə hazırlamaq üçün təlim missiyası təşkil edəcəyini vəd etdiyini iddia edib.
Aktualtv.az xəbər verir ki, Zelenski bu barədə CNN telekanalına müsahibəsində bildirib. “Bizim onlara (F-16 qırıcı təyyarələri) həqiqətən ehtiyacımız var və prezident bildirib ki, onlar ukraynalı pilotların təliminə başlaya bilərlər. Prezident Bayden bununla bağlı işlərin tezliklə başlayacağını bildirib”-deyə, Zelenski bildirib.
O, ABŞ-nin gec-tez təyyarənin təhvil verilməsi ilə bağlı qərar verəcəyinə ümid etdiyini bildirib. “Biz bu qərarın veriləcəyini gözləyirik”, – deyə Ukrayna prezidenti bildirib.
Səbinə Kərimova / aktualtv.az
