Çin Aukus razılaşmasına münasibət bildirib.
Aktualtv.az xəbər verir ki, bu barədə məlumatı TASS agentliyi verib. Çin Xarici İşlər Nazirliyinin nümayəndəsi bildirib ki, alyansın üzvü olan ABŞ, Böyük Britaniya və Avstraliya mütləq anqlo-sakson təhlükəsizliyi ideyasının arxasınca getməyi dayandırmalıdır. Nazirlik bildirib ki, alyansın Avstraliyaya nüvə enerjisi ilə işləyən sualtı qayıqlar əldə etmək, qabaqcıl hərbi texnologiyaların tədqiqi və inkişafında əməkdaşlıq etmək niyyəti ciddi risklərə yol açıb.
Vurğulanıb ki, bu addım beynəlxalq silahların yayılmaması sisteminə ciddi zərbə vurub, açıq şəkildə regional silahlanma yarışına təhrik edib və Asiyada, eləcə də, Sakit okean bölgəsində sabitliyi təhlükə altına alıb.
Murad Həsənov / aktualtv.az
