Yaponiya hökuməti bu gün həyata keçirilən ballistik raketin buraxılışı ilə bağlı Şimali Koreyaya etiraz edib.
Aktualtv.az xəbər verir ki, bu barədə Yaponiyanın paytaxtı Tokioda keçirilən mətbuat konfransında Nazirlər Kabinetinin baş katibi Hirokazu Matsuno bildirib. “Biz Yaponiyanın Pekindəki səfirliyi vasitəsilə Şimali Koreyaya etirazımızı bildirdik. Bu cür hərəkətlər ölkəmizin və bütün regionun təhlükəsizliyini təhdid edir”, – deyə Matsuno vurğulayıb.
Bundan əvvəl Yaponiya Müdafiə Nazirliyi məlumat yayıb ki, Şimali Koreyanın atdığı ballistik raket qitələrarası idi. Qeyd olunub ki, Şimali Koreya raketinin maksimal uçuş hündürlüyü 6 min km-i keçib, uçuş təxminən 70 dəqiqə davam edib, uçuş məsafəsi bir neçə min kilometr olub.
Büllur Məmmədova / aktualtv.az
