Pakistanın Bəlucistan əyalətində leysan yağışların səbəb olduğu sel fəlakəti nəticəsində 10 nəfər həyatını itirib.
Aktualtv.az xəbər verir ki, “Sübh” qəzetində yer alan xəbərə görə, Hüzdar, Zob və Avaran bölgələrində ötən gecədən başlayan güclü yağış sel sularına səbəb olub. Kələt rayonundan Avarana getmək istəyən içərisində 8 nəfərin olduğu avtomobil su altında qalıb. Hadisə nəticəsində 2-si uşaq olmaqla 8 nəfər həyatını itirib.
Əlavə olaraq Zob rayonunda da 2 nəfər seldə həyatını itirib.
Səbinə Kərimova / aktualtv.az
