ABŞ-nin keçmiş prezidenti Donald Tramp Teksas ştatında tərəfdarları ilə keçirdiyi mitinqdə, Ukraynaya silah tədarük etməyə başlayan şəxsin məhz o olduğunu vurğulayıb.
“Mən onlara yüzlərlə “Cirit” (tank əleyhinə raket sistemləri) verdim”-deyə, o bildirib. Tramp əlavə edib ki, sələfi Barak Obama Kiyevə yalnız ölümcül olmayan avadanlıqlar-“yastıqlar” göndərib. O həmçinin, 2024-cü ildə yenidən prezident seçiləcəyi təqdirdə Ukraynadakı münaqişəni 24 saat ərzində həll edəcəyinə söz verdiyini də təkrarlayıb: “Prezident olanda 24 saat ərzində buna nail olacağam”.
Qeyd edək ki, Tramp daha əvvəl yenidən seçiləcəyi təqdirdə Ukraynadakı problemi qısa müddətdə həll edəcəyini bildirsə də, buna necə nail olacağını heç vaxt açıqlamayıb.
Büllur Məmmədova / aktualtv.az
