Şimali Koreya “yer-yer” taktiki ballistik raketlərdən istifadə edərək imitasiya olunmuş nüvə partlayışı həyata keçirib.
Aktualtv.az xəbər verir ki, Koreya Mərkəzi Xəbər Agentliyinin yaydığı məlumata görə, nüvə partlayışının imitasiyasının 500 m yüksəklikdə həyata keçirildiyi qeyd edilir.
Yaponiya Müdafiə Nazirliyi isə öz növbəsində Şimali Koreyanın Yapon dənizinə iki ballistik raket atdığını bildirib. Raketlər təxminən 350 km məsafə uçub, maksimal uçuş hündürlüyü 50 km olub.
Eyni zamanda Şimali Koreya ordusu nüvə silahı daşıya və “radioaktiv sunami” yarada bilən sualtı pilotsuz təyyarəni yenidən sınaqdan keçirib. Məlumata görə, 27-28 “strateji sualtı silah sistemi” sınaqdan keçirilib.
Səbinə Kərimova / aktualtv.az
