Şotlandiyada yeni baş nazir Həmzə Yusuf rəsmi iqamətgahındakı ilk günündə namaz qıldırıb.
Aktualtv.az xəbər verir ki, Həmzə Yusuf bununla bağlı “Twitter” hesabında paylaşım edib: “Ailəm və mən bu gün (28 mart) parlament səsverməsindən sonra ilk gecəmizi Bute House-da keçiririk”.
Yusuf başqa bir paylaşımında İngiltərə baş naziri Rişi Sunak ilə görüşdüyünü və “Şotlandiya xalqının və parlamentinin demokratik istəklərinə İngiltərə hökuməti tərəfindən hörmət edilməsi lazım olduğunu açıq şəkildə bildirdim” – dediyini açıqlayıb.
Qeyd edək ki, martın 28-də Şotlandiya parlamentində keçirilən iclasda baş nazir seçilən Yusif ölkənin ilk müsəlman baş naziri olmaqla yanaşı, həm də ölkənin ən gənc millət vəkili və ilk müsəlman naziri ünvanlarına sahib olub.
Səbinə Kərimova / aktualtv.az
