Moskvada Rusiya, Türkiyə, İran və Suriya nümayəndə heyətləri arasında danışıqlar başlayıb.
Aktualtv.az xəbər verir ki, danışıqlar Rusiya Xarici İşlər Nazirliyinin Qəbullar Evində keçirilir. Bundan əvvəl Moskvada Rusiya, İran, Suriya və Türkiyə XİN rəhbərlərinin görüşünə hazırlıq məqsədilə bir sıra məsləhətləşmələrin aparıldığı bildirilirdi.
Qeyd edək ki, Türkiyənin xarici işlər naziri Mövlud Çavuşoğlu aprelin 3-4-də Moskvada Rusiya, İran, Türkiyə və Suriya xarici işlər nazirlərinin müavinləri arasında danışıqların planlaşdırıldığını açıqlayıb.
Etibar Məmmədov / aktualtv.az