Polşanın ən böyük neft emalı şirkəti “Orlen” Rusiya Federasiyasının “Tatneft” şirkəti ilə neft tədarükünə dair son müqavilədən imtina edib.
Aktualtv.az xəbər verir ki, bu barədə şirkət rəhbəri Daniel Obaitek “Polsat” telekanalının efirində bildirib. “Müqavilənin şərtlərində belə bir bənd var idi ki, neft müəyyən müddət ərzində tədarük olunmazsa, o zaman bizim müqaviləni ləğv etmək hüququmuz var”, – deyən Obaitek bu səbəbdən şirkətin heç bir əlavə itkiyə məruz qalmayacağını vurğulayıb.
Qeyd edək ki, “Orlen” fevralın 25-də Rusiya neftinin Drujba vasitəsilə Polşaya nəqlinin dayandırıldığını bildirib.
Büllur Məmmədova / aktualtv.az
