“Taliban” qadınların BMT-nin missiyasında işləməsini qadağan edib.
Aktualtv.az xəbər verir ki, Birləşmiş Millətlər Təşkilatının Baş katibinin Əfqanıstan üzrə xüsusi nümayəndəsinin müavini Ramiz Ələkbərov de-fakto hakimiyyətin qərarını pisləyib və bunun BMT missiyasının fəaliyyətinə birbaşa təsir edəcəyini bildirib. Təşkilatın azərbaycanlı rəsmisinin sözlərinə görə, Əfqanistandakı böhran əsasən ən həssas qrup olan qadınlar ətrafında cəmlənib: “Son 18 ayda baş verənləri hamı gördü, çünki “Taliban” faktiki olaraq qadınları hədəf alıb”.
Ramiz Ələkbərov həmçinin onu da bəyan edib ki, BMT-nin qurumları qadın işçilər olmadan humanitar yardım göstərə bilməz: “Hazırda əfqan qadınlara qarşı ayrı-seçkiliyin aradan qaldırılması istiqamətində səylə çalışılır. Ümid edilir ki, yaxın gələcəkdə nəticə əldə olunacaq”.
Etibar Məmmədov / aktualtv.az
