Tayvan bu gün səhər adaya bitişik ərazidə Çin Xalq Azadlıq Ordusunun 70 təyyarəsi və 11 gəmisini qeydə alıb.
Aktualtv.az xəbər verir ki, bu barədə adanın müdafiə qurumu özünün tviter səhifəsində bildirib. Qurumun məlumatına görə, 35 uçuş aparatı Tayvan boğazında median xətti adlanan ərazini keçərək adanın hava hücumundan müdafiə identifikasiya zonasında peyda olublar. Onların arasında qırıcılar, radioelektron mübarizə təyyarəsi, radiolokasiya kəşfiyyatı təyyarəsi, kəşfiyyat və zərbə dronu, həmçinin uzaq radiolokasiya aşkarlama və idarə təyyarəsi olub.
Tayvan ordusu patrul təyyarələrini qaldıraraq, eyni zamanda radio xəbərdarlıqları göndərərək və zenit-raket sistemlərini yerləşdirməklə cavab verib.
Səbinə Kərimova / aktualtv.az
