Ermənistanın Türkiyədə səfirliyinin açılması gündəmdə deyil, lakin ölkələr sərhəd-keçid məntəqələrinin açılması üzərində işləyir.
Aktualtv.az xəbər verir ki, bunu Türkiyənin xarici işlər naziri Mövlud Çavuşoğlu deyib. Onun sözlərinə görə, Ermənistan üçün hava məkanlarını açıblar, lakin yerüstü keçid məntəqələrinin açılması üçün siyasi şərtlərlə yanaşı, ilk növbədə yolları hazırlamaq, körpünü bərpa etmək lazımdır. Artıq körpünün tikintisi ilə bağlı razılaşma da var.
Suriya üzrə dördtərəfli görüşün keçirilməsinə gəlincə Çavuşoğlu deyib ki, Türkiyə, Rusiya, Suriya və İran xarici işlər nazirləri mayın əvvəlində Moskvada bir araya gələ bilər. Məqsəd nizamlanma mexanizmlərini, o cümlədən Astana prosesini normallaşdırmaq və canlandırmaqdır. Nazir həmçinin İsveçin NATO-ya daxil olması prosesində ABŞ-nin Ankaraya F-16 təyyarələri satması üçün Skandinaviya ölkəsinin alyansa qoşulması şərtini qəbuledilməz sayıb.
Büllur Məmmədova / aktualtv.az