ABŞ və Səudiyyə Ərəbistanı İrandan gələn təhdidləri müzakirə ediblər.
Ağ evin mətbuat xidmətinin yaydığı məlumatda bildirib ki, ABŞ-nin milli təhlükəsizlik müşaviri Ceyk Sallivan və Səudiyyə Ərəbistanının vəliəhd şahzadəsi və Baş naziri Məhəmməd bin Salman Əl Səud telefonla Yəmən məsələsini müzakirə ediblər, həmçinin İran və digər ölkələrdən gələn təhdidləri daha da cilovlamaq zərurətini vurğulayıblar. ABŞ Prezidenti Cozef Baydenin köməkçisi “son bir ildə Yəməndə əhəmiyyətli irəliləyiş” olduğunu qeyd edib.
Bildirilib ki, Amerika liderinin köməkçisi və Səudiyyə Ərəbistanının vəliəhd şahzadəsi ikitərəfli “təmiz enerji sahəsində əməkdaşlığı”, eləcə də mobil rabitənin inkişafını təşviq etmək barədə razılığa gəliblər.
Etibar Məmmədov / aktualtv.az
