Korrupsiya cinayətləri ilə bağlı həbsdə olan Avropa Parlamentinin keçmiş vitse-prezidenti Eva Kayli ev dustaqlığına buraxılacaq.
Aktualtv.az xəbər verir ki, məlumata görə, Kayliyə elektron qolbaq taxılacaq. Avropa Parlamentinin keçmiş vitse-prezidenti, yunanıstanlı siyasətçi Eva Kayli həbsdə 4 ay olub. Eva Kayli və daha 3 nəfər ötən il dekabrın 11-də Qətərdə keçirilən futbol üzrə dünya çempionatı zamanı korrupsiya faktı ilə bağlı ittiham olunaraq həbs ediliblər.
Qeyd edək ki, bundan əvvəl Avropa Parlamentinin Hüquq Məsələləri Komitəsi korrupsiyada şübhəli bilinən iki deputatın – belçikalı Mark Tarabella və italiyalı Andrea Koççolinonun toxunulmazlığından məhrum edilməsini dəstəkləyib.
Büllur Məmmədova / aktualtv.az