Çinin xarici işlər naziri Qin Qanq Ukrayna böhranı ilə bağlı mövqeyini bildirərək ölkəsinin döyüşən heç bir tərəfə dəstək verməyəcəyini deyib.
Aktualtv.az xəbər verir ki, o, bu barədə Pekində almaniyalı həmkarı Annalena Baerbok ilə görüşündən sonra açıqlama verib. Çinli nazir bütün tərəflərin böhranı dərindən düşünməli olduğunu deyib.
Qeyd edək ki, Çin Rusiyanı Ukraynadakı müharibəyə görə qınamaqdan imtina edərək bunu işğal adlandırmaqdan yayınıb. Rusiyaya silah verməsi ilə bağlı artan narahatlıqlara cavab olaraq Çin xarici siyasət rəhbəri ölkəsinin sülh yolunu dəstəklədiyini ifadə edib.
Səbinə Kərimova / aktualtv.az
