Avropa İttifaqının xarici siyasət və təhlükəsizlik məsələləri üzrə ali nümayəndəsi Cozep Borrel Aİ-nin Çinin yüksəlişindən qorxmadığını bildirib, həmçinin Pekini sülh və təhlükəsizlik də daxil olmaqla daha çox məsuliyyət götürməyə çağırıb.
Aktualtv.az xəbər verir ki, bu barədə Avropa diplomatiyasının başçısı ertələnmiş Çin səfərində çıxış etməli olduğu nitqi öz bloqunda dərc edərək yazıb. “Bununla belə, biz bilirik ki, sabahkı dünyanın tarixi də Çinin öz gücündən necə istifadə etməsindən asılı olacaq”-deyə, ali nümayəndə vurğulayıb. O, Çin və Aİ arasında güclü iqtisadi əlaqələrin olduğunu xatırladıb. Lakin bununla belə, Aİ və Çin arasında azaldılmalı narazılıqların olduğunu da yazıb. Borelin qeyd edib ki, Aİ açıq sistemin saxlanmasında maraqlıdır və ədalətsiz hərəkətlərdən qorunmaq üçün tədbirlər görməkdən çəkinməyəcək.
Qeyd edək ki, Aİ-nin xarici siyasət idarəsinin başçısı koronavirusa yoluxduğundan Çinin paytaxtı Pekinə səfərini ertələyib.
Etibar Məmmədov / aktualtv.az
