2022-ci ildə Azərbaycanda satılan Rusiya avtomobillərinin sayı kəskin azalıb.
Belə ki, ötən il öklədə 698 ədəd yeni “Lada” modeli satılıb. Bu isə 2021-ci illə müqayisədə 59,4% və ya 1021 avtomobil azdır. “AvtoVAZ” 2021-ci ildə Azərbaycanda 1719 ədəd yeni avtomobil sata bilib.
Satışların kəskin azalması “Lada”nın Azərbaycan bazarındakı yerinə də təsir edib. Rusiya brendi 2021-ci ildə Azərbaycanda satışların həcminə görə 3-cü olmuşdusa, ötən il bazar payına görə 8-ci sıraya enib.
Qeyd edək ki, sanksiyalar səbəbindən ehtiyat hissələri qıtlığı yaşayan “AvtoVAZ”ın istehsalı dayandırması nəticəsində ötən ilin yayında Rusiya markasının Azərbaycana ixracı dayandırılmışdı.
Etibar Məmmədov / aktualtv.az
