Moldova Putinin girişinə qadağa qoydu

Moldova hakimiyyəti Vladimir Putinə girişi qadağan edib.

Baş nazir Dorin Recean bildirib ki, prezident respublikaya buraxılmayacaq Rusiya rəsmiləri siyahısındadır.

“Siyahı var və təkcə Moldovaya girişi qadağan olunanların deyil. Bu açıq siyahı deyil, bizim müvafiq orqanlarımızda var. Bu siyahıya daxil olanlar ölkəyə giriş qadağası ilə tanış olacaqlar. Amma onların çoxu bu haqda bilir”, – Reçan deyib.

“Bu, kifayət qədər uzun siyahıdır, ona Vladimir Putin də daxildir”, – Moldova baş naziri qeyd edib. Onun sözlərinə görə, siyahı lazımi vaxtda ictimaiyyətə açıqlanacaq.