Türkiyənin xaricdəki nümayəndəlikləri 28-ci çağırış prezident və parlament seçkiləri üçün səsvermə prosesini bu gün başa çatdıracaq.
Aktualtv.az xəbər verir ki, bu barədə Türkiyə Ali Seçki Komissiyasının məlumatlarına istinadən məlumat yayıb. Bildirilib ki, aprelin 27-dən bu yana 1,7 milyondan çox səs hüququ olan vətəndaş xaricdə və sərhəd-keçid məntəqələrində səs verib.
Sərhəd-buraxılış məntəqələrində səsvermə mayın 14-dək davam edəcək. Xaricdə ümumilikdə 3 milyon 416 min 098 seçici qeydə alınıb. Dünyanın 73 ölkəsində seçki məntəqələri açıqdır. Səsvermə bülletenləri gücləndirilmiş mühafizə altında Türkiyəyə çatdırılacaq.
Qeyd edək ki, ən çox seçici Almaniyada qeydiyyatdan keçib – 1 milyon 501 min 152 nəfər. Sonrakı yerlərdə Fransa və Niderland gəlir.
Etibar Məmmədov / aktualtv.az
