Silahlı qrup Ukraynadan Rusiyanın Belqorod vilayətinə keçib və orada baş verən qarşıdurmalarda çoxlu sayda insan yaralanıb.
Aktualtv.az xəbər verir ki, “BBC” bu barədə Rusiya rəsmilərinə istinad edib.
Yerli qubernator Vyaçeslav Qladkov bildirib ki, Rusiya qüvvələri sərhəddən Qrayvoronski rayonuna hücum edən diversiyaçıları axtarır. Vladimir Putinin sözçüsü bildirib ki, Rusiya prezidenti bu barədə məlumatlandırılıb.
Ukrayna məsuliyyəti rədd edir və hücumun arxasında iki yarımhərbi qrupdan olan Rusiya vətəndaşlarının olduğunu bildirib. Qubernator səkkiz nəfərin yaralandığını, o cümlədən kəndin atəşə tutulmasından sonra iki nəfərin xəstəxanaya yerləşdirildiyini və şəhərdə qəlpələrə tuş gələn daha üç nəfərin olduğunu deyib. Döyüşlər həmçinin üç evə və bir yerli inzibati binaya ziyan vurub.
Səbinə Kərimova / aktualtv.az
