Şimali Atlantika Alyansı NATO üzvü olmayan ölkələrin, o cümlədən Gürcüstanın Rusiyanın Ukraynaya qarşı işğalçılıq müharibəsini maliyyələşdirməsini və təşkilini çətinləşdirən sanksiyalara əməl etmələrini gözləyir.
Aktualtv.az xəbər verir ki, bunu NATO-nun baş katibi Yens Stoltenberq deyib.
İllik Brüssel Forumu çərçivəsində müzakirələr zamanı Stoltenberq bildirib ki, Gürcüstan kimi ölkələr Rusiyanın təcavüzünə müqavimət göstərməyə çalışır. Məhz buna görə də NATO-nun Madrid sammitində həmin ölkələrə yardımın artırılması qərara alınıb və Gürcüstan buna ən bariz nümunədir.
NATO-nun baş katibi qeyd edib ki, alyans uzun illərdir Gürcüstanı, o cümlədən islahatların həyata keçirilməsində dəstəkləyir, çünki Rusiyanın qonşularına qarşı aqressiv davranış tendensiyası məhz Gürcüstanda özünü hələ 2008-ci ildə, Rusiya qoşunlarının bu ölkəyə yeridilməsi zamanı büruzə verib və ərazilərin bir hissəsini ələ keçirib.
Etibar Məmmədov / aktualtv.az
