Florida qubernatoru Ron DeSantisin Birləşmiş Ştatların prezidenti vəzifəsinə namizədliyini irəli sürməsinə qarşı etirazlar artıb.
Aktualtv.az xəbər verir ki, təmsil etdiyi ştatın sakinləri azmış kimi, Meksika prezidenti Andres Manuel Lopez Obrador da latin amerikalı seçiciləri DeSantisi dəstəkləməməyə çağırıb. O, siyasətçini miqrantlar hesabına səs toplamağa çalışmaqda ittiham edib.
Qeyd edək ki, Respublikaçılar Partiyasından namizədliyini irəli sürən DeSantis anti-miqrasiya siyasəti ilə gündəmdədir. O, Meksika sərhəddində divar inşa edəcəyini vəd edib.
Bundan başqa o, qanunsuz miqrasiyaya güclü nəzarət tətbiq edəcəyini və sığınacaqları məhdudlaşdıracağını deyib.
Murad Həsənov / aktualtv.az
