İran: eks-prezident Həsən Ruhanini seçki yarışına buraxmadılar

İranda fevralın 14-də əsas funksiyası ölkənin ali liderini seçmək olan hökumət orqanına – Ekspertlər Şurasına namizədlər üçün seçki kampaniyası başlayıb.

Seçki gününə üç həftədən az vaxt qalıb və səsvermə parlament seçkilərilə paralel keçirilməlidir.

Tənqidçilər iddia edirlər ki, İran rəhbərliyi güclərin mümkün balansı ilə bağlı rəy sorğularının təfərrüatlı nəticələrinin dərcinə qadağa qoyub, çünki fəallığın səviyyəsi son dərəcə aşağı olacağı gözlənilir. Ekspertlərin fikrincə, mühafizəkar qanad siyasi sahədə total təmizləmə aparır.

Ekspertlər Şurasına seçki kampaniyası 15 gün davam etməlidir. Rəsmi məlumatlara görə, İranın bütün əyalətlərindən ümumilikdə 500 iddiaçı namizəd olmaq üçün ərizə təqdim edib.

Bununla belə, tənzimləyici orqan olan Konstitusiyanın Mühafizəçiləri Şurası yalnız 144 namizədin seçkiyə qatılmasına icazə verib. Filtrdən keçməyənlər arasında İranın keçmiş prezidenti Həsən Ruhani də var. O, Qərblə məhdud əməkdaşlıq konsepsiyasının tərəfdarı hesab olunur. Onun seçkiyə buraxılmaması İran dövlətinin kəskin anti-Qərb xəttini davam etdirəcəyini göstərir.

Səkkiz ildən bir keçirilən Ekspertlər Şurasına seçkilər martın 1-nə təyin edilib. Bundan sonra parlamentdə səsvermə keçirilməlidir. Əvvəlki seçkilərdə mandatların əksəriyyətini almış mühafizəkar düşərgə üçün bu, 2022-2023-cü illərin izdihamlı etiraz hərəkatının başlanmasından bəri ilk dəfə güc sınağı olacaq.(Musavat)

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]