Münhendə fevralın 16-da Azərbaycan Prezidenti İlham Əliyev ilə Avropa Yenidənqurma və İnkişaf Bankının prezidenti Odil Reno-Bassonun görüşü olub. Bu barədə Prezidentin Mətbuat xidməti məlumat yayıb. Bildirilib ki, görüş qarşı tərəfin müraciətinə əsasən baş tutub. Qeyd edək ki, Prezident İlham Əliyev Münhen Təhlükəsizlik Konfransında iştirak üçün Almaniyaya səfər edib. Konfrans fevralın 16-18-də keçiriləcək.
