Diasporda Xocalı soyrıqımı anılır… – FOTO

Polşanın Krakov şəhərində yeni açılmış Azərbaycan Evində Xocalı soyqırımının 32-ci ildönümü münasibətilə anım mərasimi təşkil olunub.

Modern.az xəbər verir ki, anım mərasimində Azərbaycanın Polşadakı səfiri Nərgiz Qurbanova, Diasporla İş üzrə Dövlət Komitəsinin sədri Fuad Muradov, Azərbaycan diasporunun, yerli ictimaiyyətin və müxtəlif icmaların nümayəndələri iştirak ediblər.

İlk olaraq tədbir iştirakçıları Xocalıda həlak olanların xatirəsini bir dəqiqəlik sükutla yad ediblər. Daha sonra Xocalıda törədilmiş dəhşətli qətliamı əks etdirən fotoşəkillərdən ibarət sərgiyə baxış keçirilib, soyqırımı qurbanlarının şəkilləri önünə qərənfillər düzülüb, şamlar yandırılıb.

Sərgidə iştirak edən polyaklara qətliam barədə ətraflı məlumat verilib, Xocalı soyqırımının Ermənistanın etnik təmizləmə siyasətinin bir parçası olduğu, bir gecədə 63-ü uşaq, 106-sı qadın, 70-i qoca olmaqla, 613 Xocalı sakinin qətlə yetirildiyi, 8 ailənin isə tamamilə məhv edildiyi bildirilib. Qeyd edək ki, hazırda dünyanın 16 ölkəsində 28 Azərbaycan Evi fəaliyyət göstərir və bu evlər Azərbaycan mədəniyyətinin təbliği, Azərbaycan həqiqətlərinin dünyaya çatdırıması məqsədilə keçirilən çoxsaylı tədbirlərə ev sahibliyi edir.

Şotlandiyanın Aberdin Universitetində təhsil alan tələbələrin təşkilatçılığı ilə Xocalı soyqırımının 32-ci ildönümü ilə əlaqədar aksiya keçirilib.

Aksiyanın məqsədi Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən həyata keçirilən “Xocalıya Ədalət” təbliğat və təşviqat kampaniyası çərçivəsində Azərbaycan həqiqətlərinin beynəlxalq müstəvidə tanıdılması və dünyanın müxtəlif ölkələrindən olan tələbələrin məlumatlandırılması olub.

Soyqırımı qurbanlarının əziz xatirəsini anmaq məqsədilə tələbələrin sıx toplaşdığı məkanda – “Sir Duncan Rice” kitabxanasının qarşısında Xocalı həqiqətlərini əks etdirən stend qurulub. Cəmiyyətin rəhbəri İbrahim Xasiyev stendə yaxınlaşan tələbələrə XX əsrin ən böyük faciələrindən olan Xocalı soyqırımı barədə ətraflı məlumat verib.

Qeyd edək ki, Şotlandiyanın Aberdin Universitetinin nəzdində fəaliyyət göstərən Azərbaycan Cəmiyyəti 2023-cü ildə universitetdə təhsil alan azərbaycanlı tələbələr tərəfindən yaradılıb. Bir il ərzində cəmiyyət universitetdə bir çox tədbirlər həyata keçirib. Azərbaycanın zəngin tarixini və mədəniyyətini dünyaya tanıtdırmaq məqsədilə keçirilən bu tədbirlərdə dünyanın müxtəlif ölkələrindən olan tələbələr və müəllimlər iştirak edib.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]