Azərbaycanda ən yüksək maaş alanlar bu sahələrdə çalışırlar – SİYAHI

2023-cü ildə ölkə iqtisadiyyatında muzdla çalışan işçilərin sayı 1741,8 min nəfər olub. Onların 51.6 faizi dövlət sektorunda, qalanı qeyri-dövlət sektorunda fəaliyyət göstərir.

Ötən il ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilə nisbətən 11,2 faiz artıb. Beləliklə, 2023-cü ildə Azərbaycanda orta aylıq nominal əməkhaqqı 933,8 manat olub. Ancaq orta aylıq nominal əməkhaqqı iqtisadiyyatın bəzi sahələrində olduqca yüksək, bəzilərində aşağı olub.

Məlumata görə, 2023-cü ildə orta aylıq nominal əməkhaqqının ən yüksək olduğu sahə mədənçıxarma sənayesi, ən aşağı olduğu sahə isə kənd təsərrüfatı, meşəçilik və balıqçılıq olub.

Mədənçıxarma sənayesində muzdla çalışan işçilərin orta aylıq nominal əməkhaqqı 2023-cü ildə 3347.5 manat olub. Bu, bir əvvəlki illə müqayisədə 107 manat artıq, ümumi orta aylıq nominal əməkhaqqıdan 3.5 dəfə çoxdur.

Maliyyə və sığorta sahəsində muzdla çalışan işçilərin orta aylıq nominal əməkhaqqı isə 2325.5 manat olub. Bu sahədədə əvvəlki illə müqayisədə 250 manatdan çox artıb. Peşə, elmi və texniki fəaliyyət, eləcə də informasiya və rabitə sahələrində də orta aylıq nominal əməkhaqqı yüksək olub.

Kənd təsərrüfatı, meşəçilik və balıqçılıq sahələrində çalışan şəxslərin orta aylıq nominal əməkhaqqıları 559 manat olub. Bu sahədə də əvvəlki illə müqayisədə artım müşahidə edilib.

Təhsil sahəsində isə ötən il orta aylıq nominal əməkhaqqı 713.3 manat olub. 2022-ci ildəki 630 manatla müqayisədə artım qeydə alınıb. 

Digər sahələrdə fəaliyyət göstərən işçilərin 2023-cü ildə orta aylıq əməkhaqqısını aşağıdakı cədvəldə görmək mümkündür.

İqtisadi fəaliyyət növləriOrta aylıq nominal əməkhaqqı (manatla)
Mədənçıxarma sənayesi3347.5
Maliyyə və sığorta fəaliyyəti2325.5
Peşə, elmi və texniki fəaliyyət1573.5
İnformasiya və rabitə1512.8
Dövlət idarəetməsi və müdafiə; sosial təminat1356.4
Nəqliyyat və anbar təsərrüfatı1278
Digər sahələrdə xidmətlərin göstərilməsi1104.7
Tikinti1055
Elektrik enerjisi, qaz və buxar istehsalı, bölüşdürülməsi və təchizatı959.7
Daşınmaz əmlakla əlaqədar əməliyyatlar910.1
Emal sənayesi844.3
Əhaliyə səhiyyə və sosial xidmətlərin göstərilməsi804.1
İstirahət, əyləncə və incəsənət sahəsində fəaliyyət726.1
Turistlərin yerləşdirilməsi və ictimai iaşə720.5
Təhsil713.3
Su təchizatı, tullantıların təmizlənməsi və emalı710.2
Ticarət; nəqliyyat vasitələrinin  təmiri631.2
İnzibati və yardımçı xidmətlərin göstərilməsi563.9
Kənd təsərrüfatı, meşə təsərrüfatı və balıqçılıq559

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]