Üçüncü dünya müharibəsi faktiki olaraq başlayıb. Düzdür, bu, rəsmi olaraq hələ elan olunmayıb. Ancaq planetin fərqli regionlarında, eləcə də Azərbaycanın Şimal və Cənub qonşularının iştirakı ilə baş verən hadisələr onu deməyə əsas verir ki, hazırda dünyanın faktiki bölüşdürülməsi prosesi gedir. Ayrı-ayrı siyasətçilər, o cümlədən prezidentlər, baş nazirlər də dəfələrlə bu barədə fikirlər səsləndirib, xəbərdarlıq ediblər.Məsələn, Prezident İlham Əliyev ötən ilin yanvarında yerli telekanallara müsahibəsində deyib ki, indi faktiki olaraq üçüncü dünya müharibəsi gedir. Dövlət başçısı bildirib ki, dünya qütbləşib və qarşıdurma dərinləşir.Ölkə lideri növbəti dəfə Prezident seçildikdən sonra bu ilin fevral ayında andiçmə mərasimində də oxşar mesajlar verib: “Dünya faktiki olaraq üçüncü dünya müharibəsinə çox yaxındır. Bəziləri hesab edir ki, artıq üçüncü dünya müharibəsi başlamışdır, müxtəlif fərziyyələr ola bilər”.Üçüncü dünya müharibəsinə şərait yaradan bəzi səbəblər var. Birincisi, beynəlxalq təhlükəsizlik sistemi çox zəifləyib. Beynəlxalq hüquq unudulub. Dünyada nəzarət sistemi, demək olar, işləmir. Bu, dünyanın yenidən bölüşdürülməsinə imkan yaradır. Hazırda kollektiv Qərb və Şərq yəni geosiyasi xəritə formalaşdırırlar. Bunun üçün isə dünyanın müxtəlif bölgələrində məqsədli şəkildə müharibə ocaqları yaradırlar.
![](https://azadmedia.az/uploads/posts/2024-04/1713183314_3e4aa082-fe62-3a14-9bc5-9c21b46d894d.jpg)
![](https://azadmedia.az/uploads/posts/2024-04/1713183362_69e5c4ba-ce01-36c1-be96-fb4bd990851d.jpg)
![](https://azadmedia.az/uploads/posts/2024-04/1713183365_cf8431a8-da9c-3d32-94fe-7b5aec287f43.jpg)
![](https://azadmedia.az/uploads/posts/2024-04/1713183315_f08bacb9-26cb-392f-8e6a-68afd4ba16b5.jpg)