Erməni bloger: “Kəndlər üçün etiraz edən ermənilər bir-iki gün də hay-küy salıb qaçacaqlar” – ÖZƏL 

“Dörd kəndin Azərbaycana qaytarılmasına şəxsən mən və Ermənistan vətəndaşlarının böyük əksəriyyəti sakit yanaşır və bunu təbii hal kimi qiymətləndiririk. 

Xarici torpaqları tərk etməklə Ermənistan öz ərazi bütövlüyünü təmin edir. Yad torpaqları işğalda saxlamaq isə gözlənilməz və lazımsız nəticələrə gətirib çıxara bilir. Ermənistanda bütün sağlam düşüncəli insanlar bunu başa düşür və baş nazir Nikol Paşinyanın Azərbaycan kəndlərini öz qanuni sahiblərinə qaytarmaq siyasətinə etiraz etmirlər”.

“Bir-iki gün hay-küy salıb qaçacaqlar”

Bu fikirləri Bizim.Media-ya açıqlamasında erməni jurnalist və bloger, sülh təşəbbüsləri ilə tanınan Natali Aleksanyan deyib.

Qeyri-anklav olan Qazaxın 4 kəndinin geri qaytarılmasını müsbət addım kimi dəyərləndirən Aleksanyan, baş verən bəzi etirazlara görə məyus olduğunu bildirib:

“Kəndlərin qaytarılmasına qarşı etiraz aksiyaları, təəssüf ki, vətənpərvərlik şüarları arxasında gizlənən radikal terrorçu qüvvələr tərəfindən təşkil edilir. Təbii ki, onlar bu kəndlərdə heç bir dəyər görmürlər, sadəcə olaraq, vəziyyətdən özlərinin yeganə gündəmlərini həyata keçirmək, Nikol Paşinyanı hakimiyyətdən uzaqlaşdırmaq üçün istifadə edirlər. Bu, onların son şansıdır və bunu reallaşdırmağa çalışırlar. 

Amma mən əminəm ki, hökumət vəziyyətə nəzarət edir və Ermənistan-Azərbaycan münaqişəsinin sülh yolu ilə həllinə mane olmaq istəyənlərin müdaxiləsinə imkan verilməyəcək. Bu etirazlar heç bir nəticə verməyəcək. Hökumət təxribatçıları sakitləşdirmək üçün qanuni vasitələrdən istifadə etməyə başlasa, etirazlar sabah səhərə qədər bitə bilər. Hökumət sərtlik nümayiş etdirməsə, onlar bir-iki gün də hay-küy salıb qaçacaqlar”.

“Anklav kəndlərin qaytarılması bu yolla həllini tapacaq”

Aleksanyan həmçinin Ermənistan daxilində olan daha 4 anklav kəndlə bağlı da fikir bildirib. O hesab edir ki, sözügedən 4 kəndə Azərbaycanın gediş-gəlişi üçün sülh müqaviləsi olmalıdır. 

“Anklavlar məsələsi sərhəd kəndləri məsələsindən fərqlidir, çünki onların Azərbaycana nominal mənsubiyyəti sülh müqaviləsi imzalanmayana qədər heç nəyi dəyişməyəcək. Əgər sabah Ermənistan hökuməti anklavların da geri qayıtdığını bəyan edib onları təmizləsə, o zaman Azərbaycan bu kəndlərə birbaşa çıxışı olmadığı üçün hələ də onlardan istifadə edə bilməyəcək. 

Odur ki, bu məsələnin hərtərəfli həllinə ehtiyac var ki, bu həll yalnız iki ölkə sülh müqaviləsi imzaladıqdan və onun həyata keçirilməsinə başlayandan sonra münasibətlərin ümumi konfiqurasiyası çərçivəsində həyata keçirilə bilər. Vəziyyəti qarışdırmamaq üçün anklavların bərabər mübadiləsini də istisna etmirəm. Nə olursa olsun, bu məsələni həll etmək üçün sülh müqaviləsi imzalamaq lazımdır ki, bu da, ümid edirəm, mümkün qədər tez baş verəcək”. – deyə N.Aleksanyan əlavə edib.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]