“WhatsApp” komandası rəsmi olaraq messencerin əsaslı şəkildə yenidən dizayn olunduğunu elan edib.
Tətbiq yalnız “Android” və “iPhone”da dəyişdirilib.
Messencerin PC versiyası dəyişməz olaraq qalır.
Tətbiqin “iOS” və “Android” versiyaları indi eyni görünür. Əsas ekranın yuxarısındakı axtarış işarəsi əvəzinə süni intellektin inteqrasiya olunduğu axtarış paneli peyda olub. Bu başlıq istifadəçilərə söhbətlərdə mesaj və faylları axtarmağa imkan verir.
Bundan başqa, dizayna yeni animasiyalar əlavə olunub və “Parametrlər” bölməsindəki nişanlar dəyişib. Proqramın “Android” versiyasında naviqasiya paneli ekranın aşağı hissəsinə köçürülüb. “Android”də isə yeni naviqasiya paneli var. Həmçinin “iOS”da foto, video və sənədlərin göndərilməsi interfeysi dəyişib.
“WhatsApp”ın yeni dizaynını qiymətləndirmək üçün proqramı ən son versiyaya yeniləmək kifayətdir. Əgər yenilənmə yoxdursa, bir az gözləməli olacaqsınız. Çünki yeniləmə tədricən tətbiq edilir.
Bildirilib ki, həmçinin tezliklə “WhatsApp” vasitəsilə internet olmadan da faylları bir-birinə göndərmək mümkün olacaq.
