Azərbaycanda respondentlərin yarıdan çoxu atalıq məzuniyyəti hüququna müsbət yanaşır – HESABAT

Azərbaycanda respondentlərin yarıdan çoxu atalıq məzuniyyəti hüququna müsbət yanaşır.

Bu barədə Sosial Tədqiqatlar Mərkəzinin (STM) “Müasir Azərbaycan ailəsi” mövzusunda hazırladığı analitik-hesabatda qeyd olunub.

Bildirilib ki, respondentlərin 57,5%-i bu məsələyə müsbət yanaşır.

Həmçinin, respondentlətin atalıq məzuniyyətinə 19,1%-i mənfi, 18,3%-i neytral yanaşıb, 5,2%-i isə fikir bildirməkdə çətinlik çəkib. Demoqrafik qruplara görə bölgüyə əsasən müsbət yanaşanlar daha çox kişilər (60,2%), subay (60,0%) və boşanmış respondentlər (60,8%), 18-25 yaşlılar (78,4%), texniki-peşə təhsillilər (60,8%), qəsəbə tipli yaşayış yerlərindən olan respondentlər (60,0%), övlad amilinə görə bölgüyə əsasən isə bir övladı olan respondentlərdir (72,5%).

Hesabata əsasən, Azərbaycanda atalıq məzuniyyətinə mənfi yanaşanların əsas arqumentləri də məlum olub. Qeyd edilib ki, atalıq məzuniyyətinə mənfi yanaşanların 39,2%-i uşağa baxmağın qadın işi olduğunu, 33,8%-i atalıq məzuniyyətinin ailənin maddi vəziyyətinə ziyan gətirə biləcəyini, 21,6%-i isə ataların körpə uşağa lazım olan qayğını göstərə bilməməsini səbəb hesab edir. Ailənin maddi vəziyyətinə mümkün ziyanı səbəb kimi göstərənlər daha çox kişi respondentlər (37,1%), uşağa baxmağı qadın işi hesab edənlər və atanın körpəyə lazımi şəkildə baxa bilməyəcəyini düşünənlər qadın respondentlər (41,0% və 23,1%) qrupunda yer alıb. Yaş qrupları arasında atalıq məzuniyyətinin ailənin maddi vəziyyətinə ziyan gətirəcəyini daha çox 18-25 yaşlılar (66,7%), ən az 56-65 yaşlılar (9,1%) seçib. Elə bu qrup, yəni 56-65 yaşlı respondentlər uşağa baxmağı qadın işi hesab edənlərin (50,0%) çoxluq təşkil etdiyi yaş qrupudur. Belə düşünənlər ən az 36-45 yaşlılar arasındadır (20,0%). Uşağa baxmağı qadın işi hesab edənlər daha çox texniki-peşə təhsillilər (50,0%), ən az ali təhsillilər arasındadır (26,1%). Orta təhsillilər arasında isə bu göstərici 42,1%-dir. Ailənin maddi vəziyyətini arqument kimi seçənlər isə daha çox ali təhsillilər (43,5%) arasında, ən az texniki-peşə təhsillilər arasındadır (25,0%). Orta təhsillilərin analoji cavab göstəricisi 31,6%-dir.

Atanın körpəyə lazım olan qayğını göstərə bilmək iqtidarında olmaması cavabı digər iki cavaba nisbətən daha az popuyardır və nəticələri aşağıdakı kimidir: orta təhsillilərin 23,7%-i, texniki-peşə təhsillilərin 16,7%-i, ali təhsillilərin isə 21,7%-i bu cavabı seçmişdir. Kənd yerlərindən olan respondentlərin ən çox seçdikləri arqument uşağa baxmağın qadın işi olmasıdır (35,0%), şəhər yerində isə analoji cavab ən çox seçilən variantdır (41,3%).

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]