UEFA reytinqi: Azərbaycan bir pillə irəliləyərək Rusiyanı geridə qoyub

Azərbaycan UEFA reytinqində bir pillə irəliləyib.

Bu, avrokuboklarda II təsnifat mərhələsinin cavab oyunlarının nəticəsinə əsasən mümkün olub.

23-cü sırada yer alan ölkənin əmsalı 18,375-ə bərabərdir.

“Qarabağ” Çempionlar Liqasında Cəbəllütariqin “Linkoln” komandasının qapısına beş cavabsız qol vurub. “Köhlən atlar” səfərdə də qalib gəlmişdi – 2:0.

“Zirə” ötən gün Slovakiyada “DAK 1904” klubunu üstələyib – 2:1. “Qartallar” ilk dueldə inamlı qələbə əldə edib – 4:0.

“Sabah” əlavə vaxtda İsrailin “Makkabi” (Hayfa) kollektivinə uduzduğu (3:6) matçın (ilk oyun 3:0) penaltilər seriyasında (3:2) qalib gələrək mərhələ adlayıb.

Evdə Macarıstan təmsilçisi “Fehervar”a məğlub olan “Sumqayıt” səfərdə qolsuz heç-heçə etsə də, mübarizəni dayandırmalı olub.

Bu qarşılaşmalar reytinqdə Azərbaycana 0,625 xal qazandırıb. 24-cü pillədəki Rusiyanın 18,299, 22-ci yerdəki Macarıstanın 19,500 xalı var.

55 ölkənin reytinq siyahısına İngiltərə (89.160) başçılıq edir.