Trampın Maska müsahibəsi bu gecə olacaq – YENİLƏNİB

İlon Mask və Donald Tramp arasında müsahibə bu gecə saat 3:00-da X-də başlayacaq.

Mask bu barədə sosial şəbəkə hesabında məlumat verib.

Qeyd edək ki, Tramp prezidentliyə Respublikaçıların namizədidir.

07.08.2024 / 10:36

ABŞ prezidentliyinə namizəd Donald Tramp “SpaceX”in rəhbəri İlon Maska müsahibə verəcəyini bildirib.

 Tramp özünün “Truth Social” sosial şəbəkəsində bu barədə paylaşım edib.

Müsahibə 12 avqust bazar ertəsi baş tutacaq. O, başqa təfərrüatları açıqlamayıb. Mask hələ Trampın mesajını şərh etməyib.

İyulun 13-də Donald Trampa sui-qəsd cəhdindən sonra İlon Mask Trampı “tam” dəstəklədiyini və onun tezliklə sağalacağına ümid etdiyini bildirib. Biznesmen həmçinin qeyd edib ki, “sonuncu dəfə belə güclü namizəd Teodor Ruzvelt olub, Trampı seçki kampaniyası zamanı yaralanmış ABŞ-ın 26-cı prezidenti ilə müqayisə edib.

Mənbələr “The Wall Street Journal”a bildiriblər ki, Mask Trampın seçki kampaniyasını dəstəkləyən fonda ayda 45 milyon dollar köçürməyi planlaşdırır.