Türkiyədə yaşayan Azərbaycan əsilli iş adamı, “Palmali” Şirkətlər Qrupunun prezidenti Mübariz Mənsimov Azərbaycandan olan tələbələrə növbəti təqaüd proqramını elan edib.
Aktualtv.az-ın xəbərinə görə Türkiyənin müxəlif ali təhsil ocaqlarında təhsil alan 150 azərbaycanlı tələbəyə Mübariz Qurbanoğlu Eğitim və Yardımlaşma Vəqfi adından 2024-2025-ci tədris ilində təqaüd veriləcək.
Qeyd edək ki, bu ənənə uzun illərdir davam edir.
Bu barədə Türkiyə vaxtıyla saat 19.00-dan etibarən “Mübariz Qurbanoğlu Eğitim və Yardımlaşma Vəqfi”nin rəsmi saytından məlumat almaq mümkün olacaq.
Təqaüd proqramı Türkiyədə oxuyan tələbələrə dəstək olmaq və təhsillərini davam etdirmək üçün maddi yardım göstərmək məqsədi daşıyır. Qeyd edək ki, Mübariz Qurbanoğlu Eğitim və Yardımlaşma Vəqfinin təqaüdünə layiq görülənlər arasında şəhid, qazi və müharibə iştirakçılarının övladları, təhsildə yüksək nəticələr göstərən, həmçinin aztəminatlı ailələrdən və fevral ayında Türkiyədə əsrin fəlakəti olan zəlzələ bölgəsindən seçilmiş tələbələr var.
“Palmali Holding” şirkətinin və Mübariz Qurbanoğlu Eğitim və Yardımlaşma Vəqfinin təsisçisi və sədri, azərbaycanlı iş adamı və xeyriyyəçi Mübariz Mənsimovun yaxın vaxtlarda təqaüd qalibləri ilə görüşü və tələbələrə müvafiq sertifikatların şəxsən təqdim edilməsi nəzərdə tutulur. Bununla əlaqədar, tələbələr “Palmali Holding” şirkətinin ofisinə dəvət olunacaqlar.
Onu da qeyd etmək lazımdır ki, Mübariz Qurbanoğlu Eğitim və Yardımlaşma Vəqfinin rəhbərliyi 2024-2025 tədris ili üçün təqaüd proqramının qaliblərinə müraciət edib.
Müraciətdə deyilir:
“Əziz tələbələr,
Mübariz Qürbanoğlu Təhsil və Yardımlaşma Fondu 2024-2025 tədris ili üçün təqaüd
müraciətlərinizi qiymətləndirib. Ətraflı məlumat əldə etmək üçün
https://mgyardimlasmavakfi.org/2024-burs-sonuclari klikləməklə saytımıza daxil ola bilərsiniz.
Nəticələri öyrənmək üçün addımlar:
Yuxarıda qeyd olunan linkə klikləyin.
Açılan səhifədə TR ID Nömrəsi / Pasport Nömrəsi / Xarici ID Nömrəsi sahəsinə müvafiq
məlumatlarınızı daxil edin. Təqaüd nəticəsini “Sorğu” düyməsini sıxaraq öyrənə bilərsiniz.
VACİB QEYD: Nəticə ekranında görünəcək “Whatsapp Qrupu” linklərinə daxil olaraq qeyd olunan hər iki qrupa qoşulmalısınız.
Əziz tələbələr, yaradılan bu fürsəti dəyərləndirdiyinizə və müraciətinizə görə sizə təşəkkür edir və uğurlu tədris ili arzulayırıq.
Hörmətlə,
Mübariz Qurbanoğlu Eğitim və Yardımlaşma Vəqfi
