“Xankəndi Hekayəsi” filminin təqdimat mərasimi keçirildi. Tədbir, təkcə bir filmin nümayişi deyil, həm də yaddaşlara, keçmişimizə və gələcəyimizə bir baxış idi. Zalda toplaşan hər kəs üçün bu film sadəcə ekran əsəri deyil, hər kadrında tarixin izlərini, hər səsində doğma yurd həsrətini daşıyan bir hekayə idi.
Təqdimat mərasimində ölkənin müxtəlif bölgələrindən gəlmiş vətəndaş cəmiyyəti fəalları, qeyri-hökumət təşkilatlarının (QHT) sədrləri, ictimai xadimlər, televiziya kanalları və xəbər saytlarının rəhbərləri iştirak etdilər. Onların hər biri filmin mövzusu ilə bağlı həm peşəkar, həm də şəxsi hisslərini bölüşdülər.
Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin donorluğu ilə ərsəyə gəlib. Bu, bir daha göstərir ki, dövlət dəstəyi ilə həyata keçirilən layihələr milli yaddaşın qorunması baxımından böyük əhəmiyyət daşıyır.
“Xankəndi Hekayəsi” filmi, işğal illərindəki insan talelerini, məcburi köçkünlərin yaşadığı ağrıları və bu torpaqlara geri dönüşün sevincini özündə birləşdirir. Film, tamaşaçıya həm keçmişi xatırladır, həm də gələcəyə ümid verir. Bu sənədli film Xankəndinin təkcə xəritədə bir şəhər olmadığını, həm də yüzlərlə, minlərlə insanın yaddaşında və ürəyində yaşayan bir Vətən simvolu olduğunu göstərir
Tədbirin sonunda iştirakçılar filmin yaradıcı heyətinə təşəkkürlərini bildirərək, bu cür layihələrin davamlı olmasının vacibliyini vurğuladılar. “Xankəndi Hekayəsi” sadəcə bir film deyil, bu torpaqlara, bu insanlara, bu tarixə yazılmış bir məktubdur.
