Türk dünyasında institusional əməkdaşlığımızın təzahürü olan Türk əməkdaşlıq təşkilatları çərçivəsində fəaliyyət böyük mütəfəkkir İsmayıl Qaspıralının “Dildə, fikirdə, işdə birlik” şüarından ilham alaraq hər ötən gün daha da dərinləşir və zənginləşir.
Bu barədə Türkiyə Prezidenti Rəcəb Tayyib Ərdoğanın Bakıda keçirilən Birinci Türkoloji Qurultayın 100 illik yubileyinə həsr olunmuş “Türk Dünyası Həftəsi”nin iştirakçılarına ünvanladığı müraciətdə qeyd olunub.
O vurğulayıb ki, bütün bu proses ərzində Bakı Qurultayının ortaya qoyduğu baxış yolu işıqlandıran bir mayak olaraq öz əhəmiyyətini qoruyub saxlayır:
“Türkiyənin ən səmimi arzusu Türk dünyasının ortaq tariximizə, dilimizə və mədəniyyətimizə sahib çıxması, qədim keçmişimizdən aldığı güclə “Türk əsri”ni inşa etməsidir”.
