AKTUAL TV xəbər verir ki, Mənsimovun sosial şəbəkə hesabındakı paylaşımında bunları yazıb:
“Əziz qardaşlar və bacılar! “Palmali” şirkəti adından bütün Azərbaycan xalqını, dünyada yaşayan bütün soydaşlarımızı 28 May – Respublika Günü münasibəti ilə təbrik edirəm. 28 May bizim millətimizin, xalqımızın ən müqəddəs günüdür. Bu gün bizə gələcəyimizi bəxş edib, onu qurmaq, yaratmaq, xoşbəxt etmək imkanları qazandırıb. Mücadiləmiz Azərbaycan adını bütün dünyaya tanıtmaq, amalımız Azərbaycan həqiqətlərini yer üzündə yaşayan hər bir insana çatdırmaqdır. Bunu Azərbaycan Xalq Cümhuriyyətinin qurucusu Məhəmməd Əmin Rəsulzadənin adı ilə edirik. “MAMMAD AMIN RASULZADE” gəmimiz dənizlərin, okeanların müqavimətini yararaq dünyanın hər yerində üçrəngli bayrağımızı təbliğ edirik. Başda Məhəmməd Əmin Rəsulzadə olmaqla Azərbaycan Xalq Cümhuriyyətinin bütün qurucuları qarşısında baş əyirəm. Ruhunuz şad olsun, bizə əmanət etdiyiniz üçrəngli bayraq əbədi olaraq zirvələrdə dalğalansın. Respublika Gününüzü təbrik edirəm!”
