Rusiya Federasiyası Prezidentinin mətbuat katibinin sözlərinə görə, Vladimir Putin mütəmadi olaraq yüksək vəzifəli şəxslərdən iqtisadiyyatın vəziyyəti ilə bağlı hesabatlar alır.
“Rusiya iqtisadiyyatının statistik göstəricilərinə çıxışın məhdudlaşdırılması Rusiyaya qarşı hibrid müharibə ilə bağlıdır”.
Aktualtv.az xəbər verir ki, bu barədə Rusiya Federasiyası Prezidentinin mətbuat katibi Dmitri Peskov bazar günü Financial Times-da dərc olunan şərhində bildirib.
“Rusiyaya qarşı hibrid müharibə aparılır, o cümlədən iqtisadi müharibə. Ona görə də bizim bu məlumatları bu şəraitdə təsnif etməyimiz təbiidir. İqtisadi siyasətin bir hissəsi olan hər kəs bilməlidir ki, istehsal prosesi,, statistika və s. hər şeyə çıxış var”.
Peskovun sözlərinə görə, Rusiya prezidenti Vladimir Putin mütəmadi olaraq yüksək vəzifəli şəxslərdən iqtisadiyyatın vəziyyəti ilə bağlı hesabatlar alır. “Prezidentin təhrif olunmuş məlumat alması ilə bağlı deyilənlər həqiqətə uyğun deyil. O, bütün məlumatlara malikdir, demək olar ki, hər həftə iqtisadiyyat kabinetinin iclaslarını keçirir”.
2022-ci ilin iyulunda Rusiya prezidenti korporativ münasibətlərin tənzimlənməsi ilə bağlı təfərrüatları, habelə maliyyə bazarının tənzimlənməsi üzrə tədbirlər kompleksini, bankların yenidən təşkili imkanlarını və ölkənin qızıl-valyuta ehtiyatları haqqında məlumatların təsnifatını nəzərdə tutan qanun imzalayıb.
Səbinə Kərimova /aktualtv.az
