Tehranın İctimai Yerlərə Nəzarət İdarəsi, əyalətin İş Adamları Palatasına rəsmi məktub göndərərək, məcburi hicab qaydalarına riayət etməyən ticarət və biznes qurumlarına qarşı tədbirlər görməyi tapışırıb.
Aktualtv.az xəbər verir ki, göndərilən sərəncamda “hicabsızlıq mədəniyyətinin təbliği” ilə bağlı sərt addımların atılması istənilib. Qadınların və qızların ictimai yerlərdə geyinmə tərzinə nəzarətin gücləndirilməsi əmri son aylar bununla bağlı keçirilən etiraz aksiyalarının səngiməsindən sonraya təsadüf edir.
Qeyd edək ki, etiraz aksiyalarının genişlənməsindən vahiməyə düşən tehran hökuməti “Əxlaq” polisinin ləğv edildiyini bəyan edib. Lakin bu iddiaların əksinə olaraq xüsusilə əyalət şəhərlərində qadınlara qarşı radikal şəriət qaydalarını tətbiqinə davam edir.
Etibar Məmmədov / aktualtv.az
