Əlcəzair Rusiyanın genişmiqyaslı işğalı səbəbindən fəaliyyətini dayandırdığı Kiyevdəki səfirliyini yenidən açmağı planlaşdırır.
Aktualtv.az xəbər verir ki, bu barədə “The Guardian”nəşri məlumat yayıb.
“Bu qərar Əlcəzair dövlətinin maraqlarının və bu ölkədəki milli icmanın maraqlarının müdafiəsi çərçivəsindədir”, – deyə Əlcəzair XİN-dən bildiriblər.
Nazirlik qeyd edib ki, səfirliyin açılması ilə bağlı qərar ən qısa zamanda qüvvəyə minəcək. Səfirliyə müvəqqəti işlər vəkili rəhbərlik edəcək.
Qeyd edək ki, səfirlik 2022-ci ilin martında Rusiyanın genişmiqyaslı işğala başlamasından sonra Kiyevdə fəaliyyətini dayandırıb.
Xatırladaq ki, fevralın 16-da İsrail Kiyevdəki səfirliyinin işini bərpa edib.
Səbinə Kərimova / aktualtv.az
