“Baxmut şəhərinin müdafiəsi üçün əməliyyatlar davam edəcək və onları yüksək rütbəli generallar dəstəkləyəcək”.
Aktualtv.az xəbər verir ki, bunu Ukrayna prezidenti Volodimir Zelenski deyib. Moskva aylardır ki, Baxmutu almağa çalışır, hər iki tərəf ağır itkilər verir. Şəhərin merinin müavini Oleksandr Marçenko Rusiyanın şəhərə nəzarəti hələ də ələ keçirə bilmədiyini söyləyib.
Bu arada Rusiya kampaniyasında iştirak edən “Vaqner” ordu birliyinin rəhbəri Yevgeni Priqojin döyüşçüləri ilə nizami rus qoşunları arasında görünən sürtüşmə fonunda sursat çatışmazlığından şikayətlənib. O, həmçinin deyir ki, onun nümayəndəsi Rusiya hərbi qərargahına buraxılmayıb. Analitiklər deyirlər ki, Baxmutun strateji əhəmiyyəti azdır, lakin Kremlə hər hansı müsbət xəbəri çatdırmaqda çətinlik çəkən rus komandirləri üçün mərkəzə çevrilib.
Büllur Məmmədova / aktualtv.az
